Lalangoy ako sa lupa,
Maglalayag ako sa ibabaw ng bawat bundok
Lalangoy ako sa kamunduhan
At magiging alipin ng bawat basura nito
Lalangoy ako sa burak
Sa maitim nitong pagkatao
Nais kong makilala ang lahat ng kasamaan
At maging sunod-sunuran dito
Maglalakbay ako sa hangin
Sa bagwis ko’y walang tatalo sa akin
Ang pakpak ng buhay ay mapapasaakin
Habang naglalakbay ako sa hangin
Sa bawat pag-ihip ko’y mananaig
Ang lakas ng isang makapangyarihan
Dulot ko’y maaaring pag-asa
O dili kaya’y kamatayan
Pagkatapos ay gigising ako
Mula sa panaginip na ito
At muli, sa muling pagkakataon
Pipilitin kong pumalaot sa paraiso
Habang lumalangoy ako sa lupa
At naglalakbay ako sa hangin,
Ipapanalangin ko pa rin na;
manatili (sana) ang kabutihan
manaig (sana) ang pag-asa
Sa akin,
‘Sya nawa…
1 comment:
"Lalangoy ako sa lupa,
Maglalayag ako sa ibabaw ng bawat bundok
Lalangoy ako sa kamunduhan
At magiging alipin ng bawat basura nito.."
--alipin ng kamunduhan. kinahahantungan ng mga nagbuwis ng pag-ibig para lamang hindi masuklian.
nabasa mo na ba yung "love in the time of cholera" ni gabriel garcia marquez? me movie din non. based from your blogs, i suggest you watch it. marami kang makukuhang ideas sa iba't ibang klase ng love. mabuti napadaan ka sa site ko. matagal ko na rin kasing hindi nau-update yun e. some other time i will. masyado kasing busy. most of my old posts are in fs..
happy writing!
Post a Comment